喺香港呢個節奏快、道路擠迫嘅城市，騎電單車唔單止係交通工具，更係一種生活態度、一種釋放壓力嘅方式。Royal Enfield作為全球最古老嘅電單車品牌之一，一直以「Pure Motorcycling」為核心，強調純粹、復古同耐用嘅騎乘體驗。

新推出嘅Super Meteor 650，係品牌採用650c.c.雙缸引擎嘅最新力作，專為巡航風格而生，一推出市場就吸引咗大批鍾情美式復古風同長途舒適騎乘嘅車友。呢款車唔單止延續咗Royal Enfield嘅經典血統，更將現代科技同舒適性完美融合，成為中量級巡航車市場嘅新焦點。

性價比之王
喺香港，英美等電單車品牌嘅美式巡航車雖然有型，但車價動輒十幾廿萬，保養同油耗都唔講得笑，而日系車雖然車價平啲，但卻欠缺咗一點復古靈魂，Royal Enfield Super Meteor 650正好填補咗呢個空隙。

佢嘅定位為「入門級高端巡航車」，目標客群係30-50歲、追求個性、但預算理性嘅騎仕。佢唔係要同1,000c.c.以上嘅巨獸比馬力，而係用經典外形、舒適姿勢同平易近人嘅價格，去征服香港嘅不同道路，同埋騎仕嘅心。

Super Meteor 650喺香港暫定售價約$64,500起(實際以代理報價為準)，比同級對手平咗20-40%，但質感絕不輸蝕。Royal Enfield強調「Made Like a Gun, Goes Like a Bullet」嘅耐用哲學，令車主喺香港咁潮濕多雨嘅環境下都更放心使用。簡單講，佢係一架令人「買得起、養得起、騎得爽」嘅巡航車，適合週末同朋友出大帽山飲茶，或者一個人沿西貢海邊行駛吹吹風。

英美經典元素
Super Meteor 650嘅外形，一眼就令人聯想到50、60年代嘅經典美式Cruiser，淚滴形15.7L大油缸、低矮740mm座高、微傾後把手、後翹尾燈，配上圓形LED大燈同適量閃耀電鍍飾件，充滿復古味道。

車身線條流暢，從油缸向下傾斜到座位，再向上揚嘅後輪及尾燈，形成完美嘅「S」形巡航姿態。全車重241kg，軸距1,500mm，達至低重心效果，停車或者慢速行車都更穩陣。

香港代理提供多款顏色選擇，包括經典嘅Black、Inter Green及Grey，每個顏色都襯托出強烈復古氣息。輪框方面，採用前19吋及後16吋嘅經典組合，外觀上相當匹配整體造型(個人認為如果用鋼線輪框就更加無敵)。

既為巡航車，座墊寬大柔軟係必需嘅，前座有輕微凹陷，後座更可選配靠背，雙人長途都唔覺辛苦。Super Meteor整體設計理念係「Less is More」，即係冇多餘嘅電子花巧，但每一個細節都充滿匠心，騎上去就覺得自己係公路上嘅紳士。

扭力充沛易控制
Super Meteor 650用咗與Interceptor 650及Continental 650 GT同一副648c.c.並列雙缸引擎，但調校更偏向低轉扭力輸出。可輸出最大馬力47ps/7,250rpm及最大扭力5.33kg-m/6,560rpm，喺低至5,650rpm就全數釋出，基本上唔需要催谷引擎，低轉速時已經有好好發力表現，紅燈起步輕鬆超車，喺多斜路嘅香港好適合使用，中高速穩定，喺高速公路巡航完全唔使用上高轉。

配用6速手動波箱後，Super Meteor 650嘅官方耗油數值係25km/L，估計香港實際使用會做到約22-24km/L。

懸掛方面，採用前Showa 43mm倒立前避震、後雙筒彈簧預載可調款式，行程分別為120mm及101mm，駛過坑洞同彎道都有舒服自然表現，大大增加騎乘舒適性。制動系統用ByBre卡鉗，配前320mm及後300mm單碟，加埋ABS系統，濕地行車都好安全。

雖然近年好多新款車都用全數碼式儀錶，但Super Meteor 650就用半數碼設計，主錶係傳統指針轉速，右邊有小型TFT彩屏，可當成導航路線顯示。此外，車上有齊USB充電插口、LED燈組等一應俱全，真正達至現代感同復古風完美平衡。

BOX 1：
Royal Enfield要做到「槍一樣堅固」-Royal Enfield嘅故事要由1901年講起，喺英國Worcestershire嘅Redditch鎮，Enfield Cycle Company最先生產單車同精密槍械零件(呢個就係「Made Like a Gun」口號嘅由來)。1890年獲英國皇室授權用「Royal」字樣，1901年推出第一架電單車。1932年推出經典Bullet系列，成為史上最長壽嘅電單車款式。

二戰期間，Royal Enfield為盟軍生產軍用車，包括配備機槍嘅Side car。1955年於印度馬德拉斯設廠，專門供應印度軍警用Bullet 350。英國原廠1970年代結業後，印度廠接棒，1994年被Eicher Group收購品牌。

2018年推出648c.c.雙汽缸平台車款，全球熱賣超過40萬輛，令Royal Enfield成為中量級復古車嘅代名詞。今日Royal Enfield 係全球生產歷史最悠久嘅電單車品牌，車廠喺印度同英國都有技術中心，產品出口至100多個國家。

BOX 2：
全新舒適陳列室-喺香港，Royal Enfield由文偉電單車中心正式代理，2025年文偉喺柴灣嘉業街12號百樂門大廈地下5號舖，開咗全新、面積更大嘅陳列室！呢度唔單止有Super Meteor 650全系列車款展出，更有Classic 350、Himalayan、Shotgun 650等熱門型號。

值得一提係陳列室裝修係走工業復古風，有Cafe休息區，試車前後可以慢慢飲杯咖啡傾偈。此外，代理提供專業售後服務，包括原廠零件、正廠保養同改裝諮詢，今次試駕新車就換上RHINO RACING超高性價比排氣喉。

Francis試車感受
在當今車壇充斥著各類「Neo-Retro（新復古）」風格的潮流下，Royal Enfield始終堅持傳統的風格，在設計上更偏向傳統與經典的純粹。從引擎上層層堆疊的散熱鰭片、經典的L型三軸變速箱外蓋設計，到車身各處均大量採用的金屬拋光部件，這輛Super Meteor 650呈現出現代車款少見、強烈且硬派的機械工藝質感。

意外平順的650雙汽缸心臟動力方面，搭載的648c.c.風冷四衝程並列雙汽缸引擎採用270度點火設計，這種配置先天上就比一般並列雙汽缸帶來更強烈的脈動感，以及低轉速時更飽滿的扭力輸出。

然而令他感到意外的是，這具引擎的運轉品質極佳，比同級距的270度雙汽缸引擎更為平順，震動抑制相當出色。雖然其脈動感不如傳統V2引擎那般狂野明顯，但換來的是更佳的舒適性，更配合作為長途巡航車的定位。

以巡航調校的變速箱為了貫徹巡航車的操控，變速箱(波箱)的設定檔位與檔位之間的轉速落差較少，且齒比設定較疏，不像傳統街車前三檔緊密、後段才延伸的設定。這樣的設計更鼓勵駕駛者採用「高檔位、低轉速」的方式進行長途駕駛，充分享受引擎在低轉速域的扭力。

值得一提的是，1檔的齒比設定相當寬廣(齒比較小)，在進行低速掉頭或市區慢速行駛時，騎仕無需頻繁換檔，油門控制更加得心應手。

在操控層面，雖然巡航車本非為激烈操駕而生，但得益於倒立式前避震，Super Meteor 650在快速過彎時展現了不俗的支撐性與穩定度。儘管受限於車型，傾角無法做得太深，但若以此車進行稍微熱血的騎乘，其表現已是游刃有餘。

唯一需要適應的是煞車特性，這台車的後煞車回饋比前煞車更為直接且敏感，對於習慣依賴前煞車的街車騎仕來說，初次上手可能需要一點時間來調整煞車習慣，多利用後煞車來輔助減速與控制車身動態。

Sunny後記
早前到Royal Enfield新代理文偉電單車中心借得這輛全新Super Meteor 650測試，不過今次主要是由同事Francis為新車進行測試，因為他說甚為喜愛Royal Enfield這個電單車品牌，且一直有留意香港代理的新消息，當他知道可以測試Super Meteor 650即時報名參與並要求作負責主要測試的工作，筆者當然讚成，因為早前休假到新西蘭踩單車時曾發生小意外令腰部受了點傷，所以也不想太過操勞，於是將重任交了給他。

當看見他試車時顯得十分之開心，筆者也忍不住試駕了一小段路，感受一下這輛Super Meteor 650的表現。

因為約早兩年前，筆者曾在法國租了一輛Royal Enfield電單車作為座駕，只是舊款的350，當時更與朋友雙騎行駛了100多公里，車輛卻能給與很「穩陣」的感覺，當腳車確實是一流，而且當時的極速更達120公里/小時，當然不是長時間，但很多時也保持在時速100公里左右。在彎路時的那輛350表現得很靈活及受操控，整體的引擎表現也不錯。

說回今次小試的這輛Super Meteor 650，排氣量差不多是倍增。至於外觀上，Royal Enfield新近到港的數款新車可說令筆者眼前一亮，整體的設計及造工都很美觀，相比起約二十年前品牌曾由其他車行引進本地的車款，當年的造工實在有點粗糙，但經過了兩個十年的改進廠方的造車技術確實進步了不少，現今的車款的外型已是十分之吸引。

同時售價也是「超性價比」，這款Super Meteor 650的售價也只是$64,500，而350級的車款也只約四萬元左右，其實筆者也很想測試350的車款，因為可以將新引擎可以與舊款進行對比，看看究竟有甚麼分別。

新車的外觀已不用多談，且很有美式巡航車的風格，但看上去更有肌肉感及壯健。引擎造工很細緻，但有些細小位置仍有進步空間，例如拋了光的金屬位置可以以做得更為仔細，但設在油缸兩側的電鍍立體金屬徽章就做得相當之靚及吸引。

廠方為了突顯自家的品牌，在車輛很多不大顯眼的地方也加設了ROYAL ENFIELD字樣及Logo，例如手筒、腳踏、兩個大小儀錶板、後方兩側的側冚及引擎等位置。
引擎就採用了多片式的散熱板，前方亦設有一個大型的油冷。今次代理就因應這輛車的車主要求，更換了一對二出二的死氣喉，所發出的聲響與原裝相比可說是「兩碼子事」，至於售價也相當便宜吸引，日後的買家如有興趣可以向代理查詢。

前文也曾說過新車甚為近似美式巡航車及富肌肉感，筆者坐上車後也感到車體龐大了一點，因為座位較高，而同事Francis的個子也不算高大，坐上車後也顯得身型較為細小，但後來問他行車時的穩定性及操控性如何，他也說相當之好。

車輛是設有6個波段，個人就覺得1及2波很暢順，不會如5速波箱那般急勁，繼後就嘗試轉上3、4、5，甚至乎挑戰6波，但最後者只限於高速或很長途時給車輛作為「慳油波」之用。在石澳路途只用3及4波，只在掉頭彎用上2波。

彎向性較想像中好，新車始終屬於巡航車型，不可要求有亮麗的彎路表現，但論到其表現一點也不差，甚至乎把手設定稍為偏高但車輛也很「服從」地入彎，只需要做好制動及波段的操控便可以。

至於避震方面，分別是前倒立式前叉及後方雙筒彈簧避震，前避震的吸震效能有點偏軟(但適合筆者的駕駛習慣)，後避震就感覺很硬及出現跳動情況，後來才發覺原來下預載設置到最硬，再問及代理，原來車主是一位體重超過200磅的重型騎仕，這也無可厚非，因為重過筆者達50、60磅之多。

制動系統方面，後制動的效能可說是相當好，右腳稍用力踩下即有強烈反應，同時ABS也介入得相當遲，所以有快將「鎖尾」的感覺。在相比下前制動反應就有點不及，可能是因為煞車皮尚在run-in期，相信進入工作狀態後表現會漸入佳境，如想一步到位或可以更換更好的煞車皮。

最後談到的是引擎，雖然是270度點火雙汽缸設計，但點火調校個人就覺得完全不像這設計，感覺調校得柔順，可能是為了配合6速波箱的需要，令整車表現都很有玩樂性，很適合在市區代步或假日作郊遊玩樂之用，因為新車的外型很美觀絕不失禮。雖說今次主力測試不是筆者，只是加駕駛了一小段路程，但這輛新車已能給予筆者很多不同的感覺，有興趣的車友不妨到代理陳列室近距離看看其他650車款及350車款，當中是否有一款適合你。

2026 Royal Enfield Super Meteor 650規格表：
全長：2,260mm
全闊：890mm
全高：1,155mm
軸距：1,500mm
座位高度：740mm
最低離地距：135mm
濕重：241kg
油箱容量：15.7L
引擎型式：風油冷四衝程並列兩汽缸SOHC 8氣門
缸徑x衝程：78.0 x 67.8mm
容積：648c.c.
壓縮比：9.5:1
最大馬力：47ps/7,250rpm
最大扭力︰5.33kg-m/5,650rpm
供油系統︰電子燃油噴注
點火：電子
起動：電動
驅動模式：鍊條
離合器/波箱：濕式多片6前速
前傾角︰25.3度
耗油量︰22-24km/L
車架︰鋼管脊椎框架
前懸掛系統：Showa 43mm倒立前避震,行程120
後懸掛系統︰Showa雙筒油壓彈簧,行程101mm
前制動系統：320mm單鑽孔碟配兩活塞浮動卡鉗
後制動系統︰300mm單鑽孔碟配兩活塞浮動卡鉗
前輪胎：19″-100/90-19M/C 57H(Tubeless Type)
後輪胎︰16″-150/80 R16M/C 71H(Tubeless Type)